Davao City – Giila ang mga atletang gikan sa Davao region nga nakakuha og mga medalya nga nakatampo sa kasamtangang medal tally sa rehiyon onse nga adunay 3 golds, 7 silvers ug walo ka bronze medals sa ikatulong adlaw sa pagpahigayon sa Palarong Pambansa 2018 sa Vigan, Ilocos Sur.
Ang ihap sa medalya nga nakuha karon sa Davao Eagles base sa pinakaulahing update sa partial and official medal tally karong hapon.
Pipila sa mga atleta gikan sa Davao region ang giila nga nakakuha og medalya nga mao ang mga bronze medalists nga sila Mary Grace Batalla, Lia Margarette Amoguis, Lora Micah Amoguis ug Rissa Sahagun sa Elementary girls 200-meter medley relay team, bronze medalist Mark Anthony Casenas sa Secondary boys triple jump, bronze medalist John Martin Yarra sa Secondary boys 200-meter butterfly, silver medalist Juliana Marien Villanueva sa Secondary girls 400-meter freestyle, silver medalist Ivo Nikolai Enot sa Elementary boys swimming 100-meter backstroke ug silver medalist Lora Micah Amoguis sa Elementary girls swimming 100-meter backstroke.
Samtang sa karon, nanguna gihapon ang National Capital Region sa pagsakmit og gold medals diin aduna na silay 26 ka golds nga gisundan sa region 12-Soccsksargen nga adunay 14 golds samtang anaay 13 golds ang region 4-A Calabarzon, 12 golds ang nasakmit sa Cordillera Autonomous Region ug 11 gold medals ang nakuha karon sa region 6- Western Visayas.
Wala pa gihapoy gipagula nga ranking ang organizers sa maong paugnat sa kusog.
RadyoMaN Renz Barbarona
