Davao City – Opisyal nang gipirmahan karong adlawa ang memorandum of agreement (MOA) tali Departmemt of Education ug sa lokal nga panggamhanan sa Davao alang sa pagpahigayon sa Palarong Pambansa karong tuiga.
Kini gipangulohan mismo ni DepEd Sec. Leonor Briones uban ang tag-as na opisyal sa maong departamento ug ni City Administrator Atty. Zuleika Lopez isip representante ni Davao City Mayor Sara Duterte-Carpio.
Gikanayon ni Briones nga taas ang nahimong proseso sa pagpili sa syudad aron subling mahibalik dinhi ang maong aktibidad sa paugnat sa kusog sukad pa niadtong 1950 kun 69 ka tuig ang milabay.
Gikunsidera sa DepEd ang pipila ka mga factor sama sa sports facilities, hugot nga seguridad, billeting quarters kung asa gipaniguro sa Davao LGU nga maakomodar ang tanang estudyante nga atleta, ingon man ang commitment sa Davao aron mahimong malampuson ang maong aktibidad.
Na agni usab ang DepEd sa mga gihanyag nga proposal sa Davao sama sa duha ka service vehicles matag deligado sa 17 ka mga rehiyon, 15 ka sako sa bugas matag delagates, 70 ka kilo sa baka ug manok sa kinatibuk-ang pagpahigayon sa maong aktibidad, drinking stations sa tanang playing venues ug uban pa.
Dugang ni Briones nga dali ra usab ang transportasyon paingon sa syudad gikan sa lagyong lugar rason nga napili kini.
Sa pikas bahin, giklaro ni Lopez nga finishing touches nalang ang kinahangalan sa pool sa UP sports complex alang sa pagpahigayon sa mga aquatic events gani walay sports event nga mahitabo gawas sa syudad sa Davao.
Sa kinatibuk-an, gigahinan og kapin P69-M nga pondo ang Palarong Pambansa 2019.
Samtang gilauman nga kapin 30-mil ang moabotay nga mga bisita diin lakip na dinhi ang mga atleta, ginikanan, private sectors ug uban pa.
Opisyal nga pagablihan ang Palarong Pambansa 2019 karong Abril 27 ug matapos sa Mayo 4, 2019 diin kini adunay tema nga “Shaping the Future Through Sports”.
RadyoMaN Jason Amisola
