VIGAN CITY – Nagturong iti probinsiya ti Ilocos Sur ti dadduma nga miyembro iti Presidential Security Group wenno PSG para iti inspection kas panagsagana iti 2018 Palarong Pambansa iti probinsiya.
Inspeksyunen ti grupo dagiti lugar nga dalanan iti parada inton grand opening ken iti Quirino Stadium iti ili ti Bantay nga paka-angayan iti programa.
Malagip nga inimbitaran ni Ilocos Sur Governor Ryan Singson ni Presidente Rodrigo Duterte kas espesyal nga bisita para iti engrande nga pananglukat iti 2018 Palarong Pambansa inton Abril 15, aldaw iti Domingo.
Maipanggep kadaytoy kinuna ni S/Supt. Jovencio Badua, Jr. provincial director iti Ilocos Sur Police Provincial nga puspusan iti inda panagsagana para iti seguridad dagiti atleta, delegado, bisbisita ken dagiti nangangato nga opisyal iti gobyerno lokal ken national.
Umuna kadaytoy, inaprobaran iti Philippine National Police iti gun ban iti probinsiya nga mangrugi inton Abril 14 agingga iti 22.
Photo Credit: EdCal
