You're viewing an older RMN Networks article from our archives.

Palasyo, bumwelta sa mga kritiko at sinabing hindi sila natutulog sa pansitan

Aminado ang Palasyo na hindi perpekto ang mga ginagawang hakbang ng pamahalaan kontra COVID-19.

Pero lahat aniya sila sa gabinete at sa Inter-Agency Task Force for the Management of Emerging Infectious Diseases (IATF-MEID) ay nag-iisip ng paraan kung paano mas mapagbubuti pa ang COVID-19 response.

Ayon kay Presidential Spokesperson Secretary Harry Roque, araw-araw nilang pinag -iisapan kung anu-ano pa ang maaaring gawin upang mapabagal ang pagkalat ng COVID-19.

Reaksyon ito ni Roque sa banat ni Senator Risa Hontiveros makaraang maitala ang record high single day increase sa COVID-19 cases sa bansa kamakalawa at sinabing magsilbi itong wake-up call sa gobyerno para rebisahin ang kanilang stratehiya sa pagtugon sa pandemya.

Paliwanag pa ng kalihim, hindi sila natutulog sa pansitan at lahat sila ay kumikilos at nag- iisip.

Dagdag pa nito, ngayong panahon ng pandemya dapat nagkakaisa ang lahat at isantabi muna ang pamumulitika.

Facebook Comments