Ginpahayag sang Palasyo sang Malacañang ang suporta sa paghatag sang armas sa mga pari kag iban pa nga mga religious workers.
Sa press briefing sa Davao City kagapon, ginsiling ni Presidential Spokesperson Harry Roque nga kun makapasar sa kwalipikasyon ang mga pari nga magdala sang armas, wala sila sang may nakit-an nga malain nga hatagan sang Philippine National Police (PNP) ang mga ini sang ‘permit to carry’.
Dugang pa ni Roque nga indi mag-issue sang permit ang pulisya bangud pari ang mga ini kundi tungod may yara sang pagpamahug sa ila nga kabuhi.
Suno sa RA 10597 ukon ang Comprehensive Firearms and Ammunition Regulation Act, lakip ang mga pari sa mga ginapahanugutan nga magdala sang lisensyado nga pusil samtang yara sa trabaho.
Naggwa ang nasambit nga suhenstyon nga armasan ang mga pari kag iban nga religious workers matapos ang pagkapatay sang tatlo ka pari nga Katoliko sa nagligad lang nga anum ka bulan. /rcsg
