Niyanig ng magnitude 4.6 na lindol ang Zambales kaninang 2:26 ng madaling araw.
Batay sa inilabas na ulat ng Philippine Institute of Volcanology and Seismology (PHIVOLCS), natagpuan ang epicenter ng lindol sa munisipalidad ng Palauig sa nasabing probinsya.
Kung saan may lalim itong 30 kilometers at tectonic ang pinagmulan nito.
Naramdaman ang lindol sa ilang karatig lugar ng Zambales:
Reported Intensities:
Intensity III – Masinloc, Iba, and Botolan, Zambales
Intensity II – QUEZON CITY
Instrumental Intensities:
Intensity III – Botolan, ZAMBALES
Intensity II – Masinloc and Iba, ZAMBALES; Guagua, PAMPANGA
Intensity I – San Marcelino, ZAMBALES; Calumpit, BULACAN; Rizal, NUEVA ECIJA; Santa Ignacia, TARLAC; CITY OF NAVOTAS; CITY OF MALABON
Samantala, nakaramdam din ng pagyanig ang probinsya ng Batanes matapos tumama sa katubigan ang magnitude 6.6 na lindol sa Taiwan Region alas-11:05 kagabi.
Natagpuan ang episentro ng lindol 31 kilometro silangan-timog silangan ng Yilan, Taiwan ayon sa ulat ng United States Geological Survey (USGS).
Naramdaman ang Intensity 1 ng lindol sa Basco, Batanes gamit ang PHIVOLCS Earthquake Intensity Scale.
Bagamat malakas ang lindol, wala namang naitalang tsunami threat sa Pilipinas.
