Davao City – Temporaryong sirad-an sa City Transport and Traffic Management Office (CTTMO) ang Marfori Street tungod sa himoong Palengke QR-PH Program, usa ka aktibidad nga gipaluyohan sa Bangko Sentral ng Pilipinas.
Sa interbyu sa DXDC RMN Davao kang Alfredo Tamayo CTTMO Assistant Traffic Operation Officer, dili una maagian ang dalan gikan sa Pichon hangtod Datu Bago Street sugod karong adlawa, alas 12:00 sa tungang gabii, Nobyembre 21, hangtud sa Nobyembre 23,2022.
Segun ni Tamayo, dunay i-muntar nga mega tent sa lugar alang sa tulo ka adlaw nga aktibidad ug giabisohan ang mga motorista nga moagi sa dalang Marfori nga mamahimo silang moliko padulong sa dalang Pichon isip alternatibong rota.
Ginaduso sa Palengke QR-PH Program mao ang cashless payments sa mga palengke ug pampublikong transportasyon.
RadyoMaN Don Pulayao
Facebook Comments
