Davao City – Nanawagan karon ang City Health Office (CHO) sa katawhan nga mahimong responsable sa pagpanghinlo sa sulod sa panimalay ug sa palibot aron malikayan ang balatian nga dengue nga dala sa lamok.
Sa pakighinabi sa DXDC RMN Davao kang CHO head Dra. Josephine Villafuerte, gibutyag niini nga bisan pa man og dili kaayo taas ang kumpirmadong kaso sa dengue sa syudad sa kasamtangan apan posible kini mutaas panahon sa ting-ulan.
“Kung ulan-ulan sya, mutaas gyud ang kaso nato. Pero bisan og tag-init mutaas gihapon ang kaso. So kinahanglan nga manigurado gyud ta nga after every rain, wala tay breeding places, mga naipon nga water nga pwedeng mag breed ang mga mosquitos,” saysay ni Villafuerte.
Tambag sa CHO head sa publiko nga kung makasinati na og pila ka adlaw nga kalintura, mamahimong magpakonsulta gilayon sa City Health laboratory aron mapailawom sa presumptive test alang sa dengue aron masayran kung kini positibo sa maong balatian.
RadyoMaN Kirby Manzon
