PONTEVEDRA – Wala na notisyahan nga magaliko ang awto para magpatughong gasolina rasun kon ngaa nga nabungguan ini sang isa ka motorsiklo.
Natabo ang insedente kaina las 10:22 sang aga sa Km. 44-45, Barangay Recreo.
Gindala sa ospital ang driver snag motorsiklo nga ginkilala kay Richei Gumba, 41 anyos, may asawa sang Barangay Bagonaoa, San Enrique.
Sa imbestigasyon, paliko kag nagasignal na padulong sa gasoline station ang Cheverolet Spin halin sa Norte nga bahin sang probinsya, nga ginamaneho ni Geraldo Alegre, 28 anyos sa Sitio Camonsil, Barangay Canroma, apang wala sya nakita sang driver sang motor.
Rasun nga nabungguan nya si Gumba kag damage ang duha ka mga salakyan.
Ang driver sang motor ang ginabulong karon sang Corazon Locsin Montelibano Memorial Regional Hospital.
