CAUAYAN CITY — NANAWAGAN SI MAYOR SHEENA P. TAN NG MAS MAHIGPIT NA KOORDINASYON SA PAGITAN NG LOKAL NA PAMAHALAAN AT DEPARTMENT OF PUBLIC WORKS AND HIGHWAYS (DPWH) UPANG MAIWASAN ANG ABERYANG DULOT NG MGA PROYEKTO NG PAMBANSANG AHENSYA
SA IKALAWANG PAGDINIG KAUGNAY NG MGA ISYU SA DRAINAGE PROJECT, INIHAYAG NG ALKALDE NA NAGIGING KAWAWA ANG CITY GOVERNMENT SA MATA NG PUBLIKO DAHIL KAPAG MAGANDA UMANO ANG PROYEKTO NG DPWH, SA KANILA ANG PURI; PERO KAPAG PALPAK, LGU ANG NASASABON.
TINUKOY NI MAYOR TAN ANG 1.4 KILOMETRONG DRAINAGE PROJECT NG DPWH MULA HUNYO 14, 2024 HANGGANG AGOSTO 16, 2025 NA NAGDULOT NG SERYOSONG ABALA SA MGA RESIDENTE.
DAHIL SA OBSTRUCTIONS AT MASAMANG PANAHON, NAANTALA ANG PROYEKTO AT NAKADAMAY PA SA MGA PASILIDAD NG SANTIAGO WATER DISTRICT (SANWAD), ISABELA ELECTRIC COOPERATIVE I (ISELCO), AT IBA PANG PUBLIC UTILITY COMPANIES.
NAGRESULTA ITO SA PAGKASIRA NG MGA LINYA NG TUBIG AT KURYENTE NA NAGDULOT NG MALAWAKANG SERVICE INTERRUPTION NA MATAGAL NA TINIIS NG MARAMING SANTIAGUEÑO.
BINIGYANG-DIIN NG ALKALDE NA KAILANGAN ANG MAS MALINAW AT MASINSINANG PLANO BAGO IPATUPAD ANG MGA PROYEKTO UPANG MATIYAK NA MAKIKINABANG AT HINDI PERWISYO ANG MAGIGING DULOT NITO SA PUBLIKO.
