Roxas City, Capiz- Ginpahayag ni SPO3 Donna Asmod, Information Officer sang CPPO nga hugot nga iga-implementar sang Capiz PNP ang ginpapanaog nga Presidential Executive Order Number 28 ni Presidente Rodrigo Duterte nga ginpirmahan sadtong nakaligad nga Hunyo 20, 2017.
Suno sa iya, sa nasambitan nga executive order, ginamanduan ang mga lcal chief executive nga magpahamtang sang firecracker zone kag community fireworks display Zone.
Madumdoman nga ginpapanaog sang presidente ang nasambitan nga order bangud man sa mataas nga numero sang mga nagkalabiktima sang palupok sa tiun sang Paskua kag Bag-ong Tuig.
Samtang mangin katuwang sang LGU kag PNP para sa pag-implementar snag nasambitan nga executive order amo ang Dept. of Health, DENR, DepEd, kag Bureau of Fire Protection.
