Pagadian City – Gipasabot sa tinugyanan sa Bureau of Internal Revenue kun BIR ang “Constructive Stamping” nga hugtanong gipatuman sa maong ahensya human kining nakahaling og kalibog sa pipila ka indibidwal sa probinsya.
Human nidangop sa RMN DXPR Pagadian ang usa ka concern citizen arun ipa-abot ang kalibog labot na sa ilang gibayrang Documentary stamp dihang mukuha og barangay clearance sa matag baranagy daling gitugpo sa RMN Newsteam ngadto sa BIR ang gireklamo nga nadawat ning sibyahan.
Sa interview sa RMN Pagadian kang Lucille Rabago ang Revenue Officer sa BIR Pagadian giangkon niini nga dugay nang eksistado ang maong regulasyon diin sa matag bayad sa Documentary Stamp wala nay makitang stamp nga ipapilit sa papel apan kinahanglan nga ipaniguro sa kliyente nga nasulat sa Government Official Reciept nga gigamit ang gibayran nga Documentary Stamp.
Gibutyag sa BIR nga padayon ang ilang pagpakatag sa maong impormasyon pinaagi sa mga seminars nga ipahigayon nga tinambungan sa mga opesyalis sa Barangay.
