Nakahanda na ang Department of Social Welfare and Development (DSWD) para tumugon sa mga lugar na tatamaan ng Bagyong Paolo.
Sa programang Bagong Pilipinas Ngayon, sinabi ni DSWD Spokesperson Asec. Irene Dumlao na may higit 2.3 milyong family food packs na naka-preposition sa iba’t ibang warehouse ng ahensya.
Kabilang dito ang 180,000 sa Bicol Region, 250,000 sa Central Luzon (na karamihan ay nasa Aurora), 139,000 sa Cagayan Valley, at 52,000 sa Ilocos Region.
Tiniyak ni Dumlao na hindi mauubusan ng suplay ang kagawaran dahil tuloy-tuloy ang produksyon ng 18,000 hanggang 20,000 family food packs kada araw sa mga Resource Operations Center.
Facebook Comments
