Pamahalaan, pinayuhan ni VP Sara na bumuo ng team na makikipagdayalogo sa US matapos ang pagpapataw ng Amerika ng taripa sa Philippine goods

Iginiit ni Vice President Sara Duterte, na dapat pinaghandaan ng pamahalaaan ang plano ng Amerika na pagpapataw ng mas mataas na taripa sa Philippine exports.

Ayon kay VP Sara, pag-upo pa lamang ni US President Donald Trump ay inanunsyo na nito ang nasabing plano.

Dapat aniya, ay naglatag na ng plano ang economic team ng pamahalaan at dapat aniya mayroon ding core team na nakikipagnegosasyon sa US government.

Nagbabala rin si VP Sara na malaki ang magiging epekto nito sa kalakalan ng Pilipinas.