Nanindugan ang Philippine Sports Commission (PSC) nga wala nila ginatipid ang pagkaon sang mga atleta sa SEA Games.
Ini matapos naglapta ang mga isyu nga kikiam lang ang pamahaw sang pila ka mga atleta.
Suno kay PSC Commissioner Mon Fernandez, ginpakaon nila sang insakto ang mga atleta kag posible kahimu-an lang ini sang mga kontra sang administrasyon nga mamulitika sa torneo.
Ginpanginwala man ni Fernandez ang nag-viral nga banyo kun sa diin duha ang toilet bowls nga yara sa isa ka cubicle.
Suno sa iya nga ginkuha ang picture sang gina-renovate pa ang Rizal Stadium.
Sa karon may yara na sang catering para sa mga atleta sang SEA Games.
Antes sini una nga nagpagwa sang statement Whitewoods Convention and Leisure Hotel nga chicken sausage ang ila ginserbe sa football team kag nasal-an lang nga kikiam.
