Gitawag ug pamulitika ni Former City Councilor Atty. Moises Dalisay Jr., ang pamahayag ni City Administrator Atty. Leo Zaragoza nga unta ma libre na ang katawhan sa iligan sa bayronon sa kuryente ug wala gibaligya sa kanhi administrasyon ang IDPP 1 ug 2.
Matud ni Dalisay, naghatag lang ug sayop nga impresyon sa katawhan nga naminaw ang pahayag ni Zaragoza nga libre ang katawhan sa bayronon sa kuryente pinaagi unta sa maong mga planta sa kuryente.
Alang kang Dalisay, imposible kaayo ang maong mga pamahayag ni Zaragoza tungod ang pag-mintinar lang daan sa maong planta mogasto na ug 30 milyones pesos matag bulan alang sa fuel unya ihatag lang ug libre.
Dugang ni Dalisay, nga dayag ug klaro kaayo ang katuyo-an ni Zaragoza sa iyang pamahayag nga makakuha lang ug simpatiya sa katawhan alang sa pulitikanhon nga binuhatan.
