Davao City – Opisyal nga gilusad sa Davao City Police Office (DCPO) ang matag tuig nga pagpanghatag og pinaskuhan sa kabatan-onan kagahapong adlawa nahitabo sa Camp Captain Domingo E. Leonor ning syudad.
Gipangulohan ni DCPO director P/Sr. Supt. Alexander Tagum ang ‘Pamaskong Handog alay sa Kabataan year 2’ diin anaa usab ang kapulisan gikan sa tanang Police Stations dinhi sa syudad.
Sumala ni Tagum, tumong niining programa mao ang paghatag og kalipay sa mga kabataan ilabi na ang mga kabus nga nagpuyo sa parehong urban ug rural community.
Segun sa hepe nga kapin 10-mil ka mga bata ang ilang target niining maong aktibidad sulod sa 182 ka mga barangay ning syudad diin anaa ang presensya sa mga bata gikan sa Brgy. 4-A Day Care Center, GSIS Day Care Center, Parola Day Care Center, Lampa Lapidan Elementary School, Tibungco Project Hope Day Care Center, Daliao Beach Day Care Center, Mintal Project Hope Day Care Center, Sun Flower Project Hope Day Care Center ug ang MACATABO Day Care Center.
John Ryan Dayanan, HCDC Intern
