Davao City – Wala nakapugong ang Coronavirus Disease 2019 (COVID-19) aron ipadayon ang tinuig nga programa sa Davao City Police Office (DCPO) nga Pamaskong Handog para sa Kabataan diin karong tuiga ang ika-upat nga tuig sa maong aktibidad.
Sa interbyu sa DXDC RMN Davao kang Police Colonel Kirby John Kraft, hepe sa Davao City Police Office (DCPO), gisaysay niini nga luyo sa pandemya, padayon gihapon ang maong programa sa DCPO aron maghatag og kalipay sa mga kabataan labi na kadtong nanimuyo sa mga lagyong barangay sa dakbayan diin kini gisugdan niadtong Disyembre 1, 2020.
“Yung mga target po natin dito (sa Pamaskong Handog para sa Kabataan) ay yung mga less fortunate na mga bata’ng nasa malalayong barangay. Naging matagumpay naman po ito at kami po ay natutuwa na kahit sa maliit na bagay napasaya po natin ang mga bata,” matud ni Kraft.
Niadto’ng Lunes (Disyembre 7, 2020), gipangulohan usab ni Kraft ang Lighting of Christmas Tree sa DCPO Parade Ground diin kini nagsimbolo sa kahayag ug paglaum sa Davaoeños nga magpadayon gihapon ang selebrasyon sa Pasko luyo sa nasinatiang pandemya.
RadyoMaN Kirby Manzon
