Patuloy parin ang isinasagawang gamutan sa mga biktima ng umanoy foodpoisoning kasabay ng pagdiriwang ng 90th Birthday ni dating 1st Lady Imelda Marcos.
Sa ngayon nadadagdgan pa ang 241 na biktima na dinadala sa mga hospital matapos mahilo, mag suka at yung iba ay hinimalatay pa.
Ayon sa isa sa organizer na ng event na si Sol Bayang, pinapunta siya ni dating Senador Bong Bong Marcos sa Rizal Medical Center para alamin ang lagay ng mga pasyente.
Sasagutin aniya ng pamilya Marcos ang gastusin sa hospital ng mga biktima.
Kwento ng isa sa pasyente dumating sila sa Pasig City alas 3 ng madaling araw.
Pagsapit ng alas otso ng umaga may ipinamahagi na adobo manok na may itlog at agad niya itong kinain.
Dahil sa gutom, tuloy lamang siya sa pagkain kahit iba na ang lasa ng adobo.
Sa pagbisita ni DOH Secretary Francisco Duque sa hospital sinabi nito na posibleng itlog ang dahilan ng pagsakit ng tyan pagsusuka at pagkahilo ng mga bisita.
Hindi tamang preperasyon ang dahilan kayat nagkaroon ng bacteria ang pagkain.
Samantala sa official statement ni dating Senador Bong Bong Marcos tiniyak ng kanilang pamilya na aasikasuhin nila ang lahat ng biktima hanggang sila ay gumaling.
