Davao City – Karon pa nakabalo ang pamilyang Bacaling nga duna nay final report gikan sa Inter Agency Anti Arson Taskforce nga mitutok sa NCCC mall fire.
Sa pakighinabi sa DXDC RMN Davao sa tulumanong Straight to the Point kang Leah Bacaling, inahan sa biktima nga si Shiela Bacaling, matud niya ila pud gipaabot ang resulta sa imbestigasyon aron makab-ot ang hustisya sa mga biktima sa sunog.
Sa karon, nagsige lang gihapon og handum ang maong pamilya sa pagkawala sa ilang minahal sa kinabuhi nga si Shiela ug ginapatuo ang kaugalingon nga mubalik pa iyang anak.
Sumala sa inahan nga bisan unsa pa ang buhaton di na gyud mabalik ang kinabuhi ni Shiela.
Sa pikas bahin, sa duha ka bulan human ang insidente, gibutyag ni Leah nga nakadawat sila og hinabang gikan sa gobyerno sa syudad sa Davao ug NCCC mall sama sa scholarship alang sa iyang mga nabiling anak.
RadyoMaN Renz Barbarona
