Sa interbyu sa DXDC RMN Davao kang Senior Fire Officer (SFO) 1 Andrian Rojo, Arson Investigator sa Digos City Fire Station (FS), giila niini ang tag-iya sa balay mao si Pannie Samson Birrey.
Saysay ni Rojo nga walay nahibilin sa balay human nga milakaw ang tibuok pamilya sa Kidapawan City aron nga managkot sa menteryo.
Sumala sa fire investigator nga nag-overheat nga electrical appliance ang ginatan-aw nga hinungdan sa sunog kung asa totally damaged ang balay lakip na ang ilang usa ka sakyanan ug usa ka motor.
“Ang initial suspected cause of fire nato base pud sa gi-inteview ug pagtan-aw nako sa area is nalimtan na electric fan nga nakasaksak. Karaan na man gud iyang electric fan,” saysay ni Rojo.
Pahimangno sa Digos City FS sa publiko nga siguradohong walay mahibiling nakasaksak nga appliances oras nga mulakaw o kung mahimo, palongon ang plangka aron masigurado nga malikayan ang sunog.
RadyoMaN Kirby Manzon
