Pamilya nga ginpabakwit sa Lake Sebu, South Cotabato, naglab-ot na sa 84.

Nagsaka na sa 84 ka mga pamilya ang ginpabakwit sa Barangay Lake Lahit kag Brgy. Talisay sa Lake Sebu, South Cotabato tungod sa “unusual” nga current kag volume sang tubig sa spring sang Merl Garden Resort kag Lake water level sa Lake Lahit. Nagtinir naman ang mga bakwit sa ila nga mga himata kag sa evacuation center. Suno kay PDRRM Action Officer Rolly Aquino tigayon naman nga naghatag sang foodpacks kag hygiene kits ang PDRRMO sa mga apektado nga pamilya. Ginkumpirmar man ni Aquino nga may nakit-an nga mga tension cracks nga ginakabalak-an mangin rason sang landslide amo nga ginpatuman na ang force evacuation sa mga residente sa lugar.

Facebook Comments