Pamilya nga nag-field trip nadisgrasya, usa patay

41

Tangub City – Dead on the spot ang 34 anyos nga lalaki human nabunal ang ulo dihang aksidente nga nahulog sa kilid sa kalsada ang ilang gisakyan nga Mazda Bonggo sa Brgy. Road nga sakop sa Purok 7, Brgy. Hoyohoy,Tangub City alas 4:30 kagahapon sa hapon.
Sa inisyal nga imbestigasyon nasayran nga samtang nag-angat ang maong sakyanan aron pagtan-aw makadani nga view sa Hoyohoy isip kabahin sa ilang family field trip nakasinati og mechanical error ang sakyanan rason nahagbong ug naligid sa batoon nga bahin sa kilid sa kalsada.
Patay diha-diha ang sakay nga si Reynie Boy Hernando Jr., residente sa Brgy. Lanipao, Lala, Lanao del Norte.
Dali usab nga gidala sa balay tambalanan ang mga samaran nga sakay nga sila si Edgardo Alom Jr. 33 anyos, Evernadeth Alom, 55-anyos, Edgardo Alom Sr., 58-anyos, Eden Alom, 16-anyos, Jonalyn Alom 25 anyos, Sophia Princess Dawn Alom, 3-anyos, Cathriona Zia Alom, duha ka bulan nga batang masuso, Marvin Banglos 18-anyos, Eric Jay Boniao 17-anyos, Rogelyn Lagua 34-anyos, Princess Quen 7 anyos pulos lumulupyo sa Brgy. Migcanaway, Tangub City.
Samtang apil usab nga samaran ang langyaw nga sila si Renalyn Mahler 36-anyos ug Michael Mahler 49 anyos parehong nagikan sa Weileubach Germany.

Facebook Comments