Davao City – Dili mapasaylo sa inahan sa 2 weeks old baby og pursigido kining mopasaka og kaso batok sa babayeng suspect nga midagit sa iyang anak nahitabo niadtong Pebrero 17, 2024.
Sa interview sa DXDC RMN Davao kang Jessa Mae Cumablay, inahan sa bata gisulti niya, nakarecover na ang iyang anak apan na-admit pa sa Southern Philippines Medical Center (SPMC) karong panahona.
Dako usab ang pagpasalamat sa inahan, human nakit-an ang iyang anak ug nabalik na human sa tulo ka adlaw nga na-missing.
Nanawagan usab ang inahan sa suspect nga mo-surrender na sa tinugyanan sa balaud.
“Kung kinsa man ka salamat nga nakunsyensya ka pero dili mi muhonong nga makit-an ka, korsunada mi nga mopasaka og kaso dili lalim ang imong gibuhat sa akoa to the point nga mabuang ko kung modayonan ko og kabuang mag unsa naman ang akong mga anak “, Sulti ni Cumablay.
RadyoMaN Don Pulayao
Facebook Comments
