Nagpaabot og pahasubo ang mga kaila ug kabanay ngadto sa pamilya sa 84 anyos nga si Tomas Alcano human kini nabanggaan-patay sa Brgy. Binugao, Toril, Davao City.
Sa post usa ka Robelin Alcano, dili pa nila sa hingpit madawat ang nahitabo sa ilang lolo human nga matud pa gikan lang sila sa laing trahedya sa pagkawala sa ilang papa.
Sa impormasyong gipadala sa Davao City Police Office (DCPO), nigula sa imbestigasyon nga patabok na ang biktima ug pag-abot niini sa inner lane, kalit kining nabanggaan sa mivi van nga gimaneho sa usa ka Pakistani National nga si Haider Rehmann, taga Digos City.
Tungod sa kakusog sa impact, injured ang mga paa ni Alcano ug nabagok pa ang ulo niini hinungdan sa iyang hinanaling kamatayon.
RadyoMaN Ivy Parido
Facebook Comments
