Pamilya sa babaying napalgang patay sa toril dili kumbinsido nga nag-unay og hunos sa kinabuhi

Davao City – Maglisud pa og dawat ang pamilya sa babayi nga si alyas ‘Neneng’ nga nakaplagang patay kagahapon alas 7:00 sa buntag January 3, 2024, human nakaangkon og samad dinunggaban sa nagkadaiyang parte sa lawas sa gamay’ng sapa duol sa ilang balay sa Purok 4, Brgy. Bayabas, Toril District, Davao City.

Sa interview sa DXDC RMN Davao kang nanay Dionisia ang inahan sa biktima gisulti niya, dili pa sila kumbensido kun nag-unay ba og hunos sa kinabuhi ang iyang anak, apan adunay pagduda nga posibleng giamong-amongan tungod sa kadaghan mga samad sa lawas.

Gi-angkon sa inahan, adunay gihambing nga balatian ang iyang anak nga nakasinati og problema sa pangisip, apan naayo na kini tungod adunay ginamintinar nga tambal.

Hustisya ang singgit sa pamilya, kabahin sa gidangatan sa biktima og nasabutan sa pamilya nga ipailawom sa awtopsiya ang patay’ng lawas, aron masayran ang hinungdan sa kamatayon sa biktima.

“Neng manghinaut lang mi nga mahiluna ka kung kinsa man ang nag among-among sa imoha hinaut mi unta nga among masayran karon dayon wala nami ika isturya sakit kaayo pamation nga ing-ana ang nahitabo og dili mi katuo”,sulti ni sa inahan.

Samtang gipalawman pa ang gihimong inbestigasyon sa Eden Police Station, aron ma-istablisar ang motibo sa pagpatay sa biktima ug lakip sa gi-inbestigahan ang live in partner niini.

RadyoMaN Don Pulayao