Davao City – Kalipay ang gibati sa pamilya sa 16 anyos nga dalagitang gilugos patay human napusilan patay ang suspek sulod sa Talomo Police Station sa dihang nangilog sa pusil sa pulis.
Sa interview sa DXDC RMN Davao, gisulti ni Renato amahan sa biktima nga ilang gikalipay ang gidangatan ni James Narte gitudlong suspek sa paglugos patay sa 16 anyos nga dalagita nga ila ra pong silingan.
Matud niya ila nang nadawat ang hustisya sa mangilngig nga pagpatay sa iyang anak.
Alayon niini mipadangat usab sila ug pahasubo sa pamilyang Narte tungod sa nahitabo.
Kahinumduman nakaplagan na lamang wa nay kinabuhi ang biktima sa Libby Road, Bago Gallera , Talomo District dakbayan sa Davao niadtong Hunyo 22 sa gabii nga gilugos una gipatay sa gitudlong suspect nga si Narte.
Sa pikas bahin, gitakdang ilubong ang biktima karong Hulyo 3 sa Lubogan Public Cemetery, Lubogan Toril syudad sa Davao ala 1:00 ang takna sa hapon.
RadyoMaN Bernard Pantallon
