Pamilya sa estudyante nga gikulata sa classmate nagpa-blotter

Davao City – Mipatala sa San Pedro Police Station ang pamilya sa usa ka estudyante nga si alias Dave, 13 anyos, human gikulata sa laing estudyante nga si alias Ayan, sulod sa comfort room sa Davao City National High School Annex niadtong lunes (October 24, 2022) sa Brgy.8-A, syudad sa Davao.

Sa eksklusibong interbyu sa DXDC RMN Davao kang Police Major Marvin Hugos Station Commander San Pedro Police Station, gusto lang sa pamilya nga ipa-blotter ang maong nahitabo og posebling didto ra sila mag-ariglo sa Barangay.

Segun ni Hugos, biktima ug suspek parihong grade 7 student sa maong eskwelahan diin gipasabot ni Hugos nga kining biktima ug suspek walay criminal liability nga atubangon rason nga parihong mga menor de edad.

Gidugang ni Hugos, aduna nay police nga gi-assign nga mag-roving og mobantay sa maong tulonghaan aron dili na subling mahitabo ang away sa mga estudyante.

“Mensahe nako sa mga ginikanan nga tabangan nato og remind ang atong mga anak, og duna man gani higayon napasakitan o gi-bully ba siya sa iyang classmate, isumbong nato sa iyang teacher para matagaan og insaktong aksyon,” saysay ni Hugos.

Gisulayan sa DXDC RMN Davao Team nga mahinabi ang ginikanan sa biktima kung unsay iyang komento apan wala kini magpagawas og mapahayag.

RadyoMaN Don Pulayao