Pamilya sa estudyanteng gipusil patay misangop na sa NBI

59

General Santos City—midangop na sa buhatan sa National Bureau of Investigation (NBI) ang pamilya sa 2nd year student sa Mindanao Polytechnic College nga una nang gipusil patay sa wala pa mailhing suspetsado usa na ka bulan ang nakalabay sa may Barangay South, General Santos City.


Si Melrose Ortega, legal age, residenti sa Glan, Sarangani Province, inahan sa biktimang si Von Chester Ortega, 19, residenti sa samang lugar ang midangop sa buhatan sa NBI aron mag patabang aron nga mapaspasan ang pagsulbad sa kaso sa pagpamusil sa iyang anak.


Una nang gibutyag sa ginang nga siya dismayado sa langay nga imbistigasyon sa Pendatun Police Station kansa maoy nag imbistiga sa kaso sa iyang anak human nga kapin bulan na ang nakalabay, wala pa gihapon silay lead sa suspek sa krimen.


Buot sa ginang nga mahatagan ug hinanaling kasulbaran ang kaso sa iyang anak aron nga mahatagan kinig hustisya human yano lang gipusil sa suspetsado.


Una nang gipusil ang nahisgutan sa may barangay South human kining nakigkita ngadto sa iyang classmate sa elementary apan dihang gihatud sa nahisgutan ang iyang classmate, didto na kini gipusil nga hinungdan sa iyang kamartayon.


tags. Rose Sioco, Rmn Gensan 927, Inah Daven, Bryan Oñate, iFM 91.9

Facebook Comments