Padayon pa gihapon ang pagpangita ug hustisya sa mga tagtungod sa magtutudlo nga gipatay sulod mismo sa iyang classrom niadtong Huebes Enero 24, 2019.
Kahinumduman, nga gipatay sa kanhi hinigugma niini nga nailang si Albert Dara Bansalao , taga Lakewood, Zamboanga del Sur, usa ka security guard ang teacher nga si Cheryl Navarro Dologuin taga Valderama Sta. Felomina ning syudad sa Iligan.
Giingong estudyante sa ALS ang maong suspetsado kun asa gatudlo usab kaniadto ang maong magtutudlo sa wala pa kini nahimong maestra sa Bacuitana Elemetary School sakop sa Barangay Hindang ning dakbayan sa Iligan.
Matud pa, sa dihang nasayran sa biktima nga minyo ang maong lalaki, iya kining gibulagan apan wala makadawat ang maong suspetsado ug gilayong gipatay ang maong maestra gamit ang usa ka hait nga hinagiban.
Sa karon padayon pa ang gihimong imbestigasyon sa kapulisan ug padayon pa usab nga gipangita ang maong suspetsado.
