*Kritikal pa gihapon ang kondisyon sa Konsehal sa Barangay Calamba nga gipusil kagahapon .*
*Si Konsehal Hildebrando Ygonia naigo sa iyang agtang human gipusil sa Sitio Mahayahay A. Lopez sa maong barangay .*
*Si SPO2 Winston Ybañez sa Homicide Section sa Cebu City Police Office nibutyag nga ang asawa ug mga anak nagdumili sa paghatag kanila ug mga impormasyon aron makatabang sa imbistigasyon sa insidente .*
*Lakip sa gitan-aw sa kapolisan nga anggulo sa pagpusil ni Ygonia mao ang personal grudge o kung may kalabutan kini sa iyang pagka –anti drug crusader sa barangay.*
*Gawas ni Ygonia , adunay laing babaye nga na-angin usab, si Rowena Pepito nga diha sa dool atol sa hitabo .*
Facebook Comments
