Sa pakighinabi sa DXDC RMN Davao sa ig-agaw niining si Kaylla Palma, iyang gisaysay nga niadtong nahitabo ang landslide, nagtuo sila nga luwas ra si Damiles tungod mao may balita nga miabot sa ilaha apan wala damha nasayran nilang duol diay nag-board ang biktima sa lugar kung asa nahitabo ang pagdahili sa yuta.
Hangtod sa wala na kini nila nag-contact, duda na sila nga si RJ, naapil sa landslide sa Masara.
“Una ma’am wala jud me nagtuo maam kay abi namog naa siya sa office nila maam, pagkabalo namo na nag landslide sa Masara ni contact dayon me sa iyang mga igsuon og naa raba siya sa office nila po, unya pag ingon sa iyang sister na nag boardinghouse siya po unya 11:00 PM pa ang duty didto nami naka huna huna na basin naapil jud siya ma’am kay di naman jd namo siya ma contact po,” butyag pa ni Palma.
Si Damiles, nakahuman sa Queen of Apostles College of Seminary (QACS) sa Tagum City ug duha palang ka bulan isip safety officer sa APEX Mining.
Gani nagpaabot og pahasubo ang QACS ngadto sa pamilya ni Damiles ug nagkanayon nga isalig nalang sa Ginoo ang tanan.
Sumala pa sa pamilya, ang patay nga lawas sa biktima gitakdang muabot sa ilaha karong adlawa sa Maragusan, Davao de Oro.
RadyoMaN Ivy Parido
