Davao City – Masulob-on ang kabanay ug asawa sa driver nga namatay atol sa pagka bangga sa truck nga nahitab didto sa may C.P. Garcia highway nga si Archie Amimita Cerro.
Atol sa pakighinabi sa DXDC RMN Davao sa pamilya ngadto sa Purok 29, Anahaw, Maa ning siyudad kagahapon sa programang ‘Straight to the Point Afternoon Edition’ nga naglisod kini kun asa nila kuhaon ang kwarta sa pagpalubong sa namatay.
Dugang sa asawa nga si Sebel wala na matud pa silay makuha panghinabang gikan sa employer sa iyang bana nga mao ang JCP trucking company nga nakabase sa Mamay Road Lanang ning siyudad gumikan kay rason sa employer nga sad-an kuno ang namatay ug siya matud pa ang nibangga bisan nga on-duty kini sa iyang trabaho ug taas na kini og serbisyo.
Naglisod ang asawa ilabi na sa ilang kawad-on ug nabinlan usab kini og anak nga pulos gagmay pa.
Nanawagan ang asawa sa lokal nga panggamhanan nga matabangan sila sa pagpalubong ilabi na ngadto sa buhatan sa CENRO nga mahatagan sila og cash assitance.
RadyoMaN Paul Canono
