Pagadian City – Hustisya ang singgit karun sa pamilya sa 13 anyos nga batang lalaki nga gipusil patay sa wala mailing responsable alas 2:00 sa kadlawon niadtong nakalabay ng domingo sa Purok Makabibihag, Brgy. Sta. Lucia, Pagadian.
Sa eksklusibong interview RMN Pagadian sa inahan sa biktima posible matud pa nga naalan lang ang iyang anak na si Saidaman Diamla kay una nahitabo ang pagpamusil dunay rayot sa lugar.
Dugang pa sa inahan sa menor de edad nga gikan sa usa ka internet café ang biktima og pauli na sa ilang pinuy-anan apan paghidangat sa maong lugar kalit na nga niabot ang suspek og giti-unan sa armas ang biktima rason nga nagpakiluoy pa ang grade 5 student apan sa walay langan gipusil kini sa suspek.
Nakahiagum og usa ka samad pinusilan ang biktima sa iyang dughan nga milapos sa likod nga maoy hinungdan sa iyang hinanali nga kamatayon.
