Sa interview sa DXDC RMN Davao kang alyas Zen (di na buot magpaila pa tungod sa mga hulga nga nadawat sa pamilya), kabanay sa usa sa mga biktima, gibutyag niini nga wala na sila naglaom pa nga masulbad sa kapulisan ang insidente ug mahatagan og hustisya ang mga biktima. Sumala pa nga wala silay nadawat nga kalambuan sa imbestigasyon ug daw natulog na ang maong kaso.
Saysay ni alyas Zen nga dili kini ang unang higayon nga adunay gipatay sa ilang pamilya apan hangtod karon wala gihapon silay nakuhang hustisya. Ug gustuhon man mulaom apan gikalimtan nalang matud pa ang nahitabo.
“Mao ra sad na ang tubag sa akoa man every time manawag ko sakong kaila nga police. Same ra gihapon na sa mga unang namatay. Padayon ang imbestigasyon. Tinuod jud ang giingon man ang hustisya para Lang sa mga kwartahan,” sulti pa niini.
Samtang sumala usab kang Police Major Catherine Dela Rey, Spokesperson sa Police Regional Office (PRO) XI, nagpadayon ang pagpanubay sa kapulisan sa Samal sa CCTV footage ingon man pagpangita og uban pang testigo aron masulbad ang maong kaso.
RadyoMaN Ivy Parido
