Davao City – Wala pay pamilya sa mga biktima sa nahugmak nga tulay sa Malamba, Marilog, Davao City, ang mipasaka og kaso batok sa kompanyang Bojus Sun Builders & Supply Corporation segun sa Marilog Police Station.
Sa interbyu sa DXDC RMN Davao kang Police Captain Ruel Dionela, Deputy Chief sa Marilog Police Station gibutyag niini, gikinahanglan sa kapulisan ang pormal nga reklamo sa mga pamilya aron mapasaka ang kaso batok sa maong kompanya.
Segun ni Dionela, kasong kalapasan sa RA 1790 o Reckless Imprudence and negligence ang ipasakang kaso sa pamilya sa mga biktima batok sa kompanya.
Matud sa opisyal, ginasuta pa sa ilang imbestigador kung unsay plano sa pamilya kung mopasaka ba og kaso o dili, sa kompanya nga gitrabahoan sa lima ka trabahanteng namatay human nahugmak ang tulay niadtong adlaw’ng Lunes July 24,2023 sa Sitio Kibaka, Brgy. Malamba, Marilog District, syudad sa Davao.
RadyoMaN Don Pulayao
Facebook Comments
