Sa post sa kabanay niining si Che Nee, iyahang gibutyag nga dugay na silang namuyo anang lugara ug bisan pa man adunay pedestrian lane, walay gipili ang disgrasya ug daghan ng pamilya ang nawad-an og minahal sa kinabuhi tungod sa ka delikado sa kalsada.
Panawagan niya nga unta dili na hulaton nga kini mahitabo pa sa uban ug sumala pa nga angayan nang palig-onon pa ang traffic enforcement sa dakbayan, butangan og danger sign ang kadalanan tungod ang mga sakyanan sa Ulas daw halos manglupad na sa kakusog magpadagan bisan pa og adunay speed limit.
Pahimangno ni Che Nee sa tanan nga magdoble igmat sa pagtabok ilabi na kung rush hour ug alang sa mga motorista ug drivers, gikinahanglang doble amping sa pagmaneho ilabi na kung crossing o intersection.
Gisaysay pa niya nga si Cordero, 19 anyos palang ug nakaagi na’g daghang pagsulay sa kinabuhi apan naningkamot gihapon nga makalingkawas sa kalisod ug karon nga wala na kini sa kalibutan, dawaton nalang nila sa hinay nga wala na ilahang kapamilyang kugihan ug lingaw kauban.
RadyoMaN Ivy Parido
