General Santos City–Nahagbong sa areglo ang nahitabong disgrasya sa kadalanan nga nahitabo sa National Highway, Upper Matin-ao Road, Barangay Silway 8, Polomolok nga gikamatay sa usa ka 6 anyos nga batang lalaki ug pagkaangol sa amahan niini human nabanggaan ug Isuzu Elf.
Giila ang namatay nga si Floredem Arillano Jr., 6 anyos ug residenti sa Purok 1, Sto. NiƱo, Barangay Apopong Gensan. Samtang angol ang amahan niining si Floredem Arellano Sr.
Sumala ni Po3 Bobby Villena, Traffic Investigator sa Traffic Management Unit sa Polomolok PNP nga sakay ang mag-amahan sa sikad dayon nitabok sa dalan, wala niini nabantayan ang nagdagan nga sakyanan nga gimanihuan ni Jocelyn Torres nga taga Barangay Tambler ning syudad.
Tungod sa kakusog sa impact, nangalagpot ang mga biktima ug ang 6 anyos maoy napuruhan. Daling gipangdala sa ospital ang mga nasangpit apan gideklarang Dead On Arrival minor de edad.
Gikumperma usab ni Po3 Villena nga una nang nagsabot ang duha ka kampo sa ilang buhatan nga misangko sa areglo human nga mihatag ug pinansyal nga tabang ang driver sa truck nga nakabangga sa mag-amahan.
