Pamilya sa namatay nga rider ug backrider nga mibangga sa center island nag-areglo na

Davao City – Na-areglo na sa Buhangin Police Station niadtong Sabado Oktubre 21, 2023 tali sa pamilya sa mag-ig agaw nga rider ug backrider nga nakabsan sa kinabuhi, human nakapunggit sa grab rider og mibangga pa sa center island niadtong Biyernes alas 6:52 sa gabii sa Green Heights CP Garcia Highway, Buhangin, Davao City.

Sa pakighinabi sa DXDC RMN Davao kang PSMsg Ramil Buyano, Traffic Investigator sa Buhangin Police Station gisulti niya, nagkasinabot na ang matag pamilya sa biktima nga nakabsan sa kinabuhi nga si Jaiban Patican, 19 anyos ug Christopher Patican, 28 anyos, parehong reside te Brgy.7-A Poblacion, Davao City.

Segun ni Buyano, apil sa nasabutan nga mangayo og cash assistance ang pamilya sa biktima ngadto sa grab rider nga si Leonel Pagara Sinining, 21 anyos, taga Sitio Muhon Brgy.Maa, syudad sa Davao.

Ang patay’ng lawas ni Jaiban Patican dalahon sa Sarangani Province ug didto ilubong, samtang si Christopher Patican sa Kidapawan City aron didto usab ipahiluna sa pamilya.

“Purely man gyod nga sila both partido mag isturya sila nga i-settle ra nila karon urasa nangita sila og abugado para sa desistance kay nalooy sila aning grabrider”, sulti ni Buyano.

RadyoMaN Don Pulayao