Davao City – Gidawat na sa pamilyang Cuba ang kamatayon sa ilang mahal sa kinabuhi nga nailang si Welcar Cuba, usa ka Traffic Enforcer, ug di na pursegido nga mopasaka og kaso batok sa nagtow og sakyanan nga si Romeo Petigo human nabitik sa pisi ang biktima.
Sa esklusibong interview sa Team DXDC RMN Davao ngadto kang Merlyn Cuba, ang asawa sa biktima, nga na-alegro na ug natunolan na sila og financial assistance human ni-abaga sa tanang galastuhon ang pamilyang Petigo hangtod sa pagpalubong sa iyang bana.
Matud ni Cuba nga wala pa sab silay nadawat nga hinabang gikan sa buhatan sa City Transport and Traffic Management Office (CTTMO) apan naglaum nga matabangan sa panggamhanan.
Sa karon ang patay’ng lawas sa biktima gihaya na St. Peter Panacan ning siyud ug ginaproseso na ang death certificate ug uban pa
Gikatakda karong adlaw’ng Sabado sa buntag, March 2, ipahiluna na ang biktima didto sa Maa Forest Lake Cemetery ning dakbayan.
RadyoMaN Don Pulayao
