Natigayon ang operasyon kilid sa Ramos National High School, Barangay Aliongto, syudad sa Davao bandang alas 11 sa gabii.
Sa interbyu sa DXDC RMN Davao sa live in partner sa suspek, giingon niini nga walay armas ug walay kantidad nga ing-ato kadako ang suspek.
Dugang niini nga dili siya mutuo nga misukol sa kapulisan ang suspek atol sa maong operation.
“Wala siya’y baril, wala siya’y kantidad nga ing-ana. Question lang sa amoa ngano pagsakay sa ambulance ngano wala siya’y sinina ,wala siya’y slipper ug dili pud to siya musukol,” sulti ni alyas Jean.
Samtang sa pakighinabi sa DXDC RMN Davao kang Police Major Jake Goles, Station Commander sa Sasa Police Station nga ang suspek usa ka Top 1 City Level drug personality ug atol sa operasyon, giingong gipusil sa suspek ang mga pulis apan maayo nalang nakalikay ang kapulisan hinungdan nga mibawos og pusil ang mga awtoridad nga miresulta sa pagkaigo sa suspek.
Gidala pa sa Southern Philippines Medical Center (SPMC) apan gideklara kining dead on arrival.
“Ang nangyari buy bust operation to siya, upon dealing sa atoang pusher-buyer, gipabuthan niya dayon ang tropa. Luckily pod ang atong tropa nakabantay pod nagpinusilay sila hinungdan naigo ang suspek,” saysay ni Goles.
RadyoMaN Don Pulayao
