Molave, Zamboanga del Sur – Nagpatabang na ngadto sa Department of Foreign Affairs ang pamilya sa usa ka pinay nga household service worker nga taga-Zamboanga del Sur nga apil sa namatay sa kusog nga pagbusikad sa Port sa Beirut, Lebanon.
Ang pamilya sa biktima nga si Ardel Maglangit nga nagtrabaho isip household service worker sa maong nasud ang nagpalaban sa DFA nga nakabase sa Clarin, Misamis Occidental aron paghangyo nga mauli sa nasod sa pilipinas ang patay nga lawas niini.
Ang mister sa biktima nga si Rogelio Maglangit ang nanawagan niadtong nakalabay nga adlaw kang Presidente Rodrigo Duterte aron maproseso ang pagpauli sa patay nga lawas sa asawa.
Giproseso na ang dokumento didto sa buhatan sa DFA Clarin, Misamis Occidental pinaagi usab sa pagsuporta sa LGU- Molave.
Nipasalig sa DFA Clarin, nga makaabot sa nasud ang patay nga lawas sa Pinay apan modagan pa og taas nga panahon.
Ug kun mahiuli gipili sa pamilya nga didto kini hayaon sa Clarin gumikan kay atoa didto ang mga igsoon, ginikanan ug kaparyentehan sa Pinay nga namatay .
Samtang ang buhatan _Overseas Workers Welfare Administration_ (_OWWA_) Region IX nisaad nga mapadangat sila og tukmang mga benepisyo alang sa pamilya nga nagbangutan.
Photo credit : Igmat Molave
