Davao City – Kumbinsido ang pamilya ni Police Staff Sergeant Renante Mercado, 40-anyos nga aksidente ang pagkamatay niini sulod sa San Pedro Police Station niadtong Martes sa gabii, Pebrero 25, 2020.
Sa interbyu sa DXDC RMN Davao kang Esmeralda Mercado, asawa sa biktima, gibutyag niini nga na-shocked na lamang kini sa gidangatan sa iyang bana niadtong higayona diin miresulta sa imbestigasyon nga ‘accidental firing’ kun ‘self-accident’ ang nahitabo.
“Natingala gyud ko, wala ko nag expect. Naa ra ko sa balay ato [pagkahitabo]. Gitawagan ko nila,” saysay niini.
Gisaysay ni Esmeralda nga wala naka-away ang iyang bana ug bisan sila wala usab nagkabangi sulod sa panimalay. Wala usab kini na ‘share’ nga problema kaniya.
“Buntag pa lang, ni-ana siya nga ‘musayo lang ko ha kay kung magpakuan ko didto, unsay buhaton didto’ mao lang unya ni-kiss siya sa amoa, mao man gyud na iyang routine,” tataw niini.
Samtang, una nang gipasalig sa Davao City Police Office (DCPO) ang tabang pinansyal nga itunol sa nabiyaang asawa ug sa 2-anyos nga anak sa biktima.
RadyoMaN Kirby Manzon
