Sa interview sa DXDC RMN Davao kang Janice Samalca, anak sa biktimang si Celestino Samalca, 74 anyos, gibutyag niini nga hilabihan ang ilang pagbangutan ilabi pa nga nalagpot ang iyahang amahan sa sagingan ug adto tugpa sa mga barbed wire human kining nabanggaan og pick up samtang nag-bike.
Saysay pa sa anak nga gidala pa kini sa Davao Regional Medical Hospital (DRMC) sa Tagum City apan wala na maka-survive pa.
Sa karon, nanawagan kini ngadto sa driver nga dili talikdan ang nahitabo.
“Nanawagan ko sa naka-hit and run sa akong papa didto sa Maco nga pick-up color pula, manawagan ko sa iyaha nga hinaut angkol nga imong atubangon karon ang nahitabo sa akong papa. Kung mahadlok man ka muatubang sa amoa, pwede ka mu-surrender sa kapulisan. Walay problema na, surrender lang. Hinaut hikapon sa Ginoo imong kasingkasing nga mu-surrender ka. Kay kung di ka mu-surrender, ikaw ra pud ang dili makatulog hangtod sa hangtod,” panawagan pa ni Janice.
Samtang, naghulat na lang sab ang sibyaanan sa DXDC RMN Davao sa tubag sa Maco Municipal Police Station kalabot sa hangyo sa pamilya nga unta masubay ang CCTV camera.
RadyoMaN Ivy Parido
