Sa pakighinabi sa DXDC RMN Davao kang Ronald Naval Cruz, taga Brgy. Buhangin ning syudad, pag-umangkon niya ang usa sa nalumos patay nga si Kian Bituin, 12 anyos, gisulti niya, usa sa iyang mabasul ang tagdumala sa Buhangin Central Elementary School, kung nganong gipagawas ang mga estudyante nga ting-klase pa man niadtong panahona.
Segun ni Naval Cruz, mopasaka siya og pormal nga reklamo batok sa maong eskwelahan, kung ngano wala mabantayi sa gwardya ang iyang pag-umangkon nga nakaabot na sa laing Barangay.
“Mo file mi unta og complain ngano nakagawas ni sa eskwelahan higpitan unta nila ngano nakagawas ang bata ting klasi man”,sulti ni Naval Cruz.
Ang tulo ka patay’ng lawas nila Kian Bituin, Takeshie T. Sanico, 13 anyos, taga Sitio Digan, Mandug ug Jerick Redulla, 12 anyos, taga Brgy. Mandug, ang anaa sa M.Deang Funeral Services, Brgy.Mandug, Buhangin ning dakbayan sa Davao.
RadyoMaN Don Pulayao
