Nagahingyo sang pangamuyo ang pamilya sang anay aktor nga si Raul “Rolly” Quizon, anak sang nagtaliwan nga comedy king nga si Dolphy.
Base sa report naka-confine karon kag comatose si Rolly Quizon sa isa ka ospital sa Quezon City matapos ma-stroke samtang yara sa isa ka supermarket sadtong Biyernes, Marso 9.
Sang Sabado, ginpaidalum ini sa surgery agud ma-drain ang blood clot sa iya ulo.
Si Rolly ang kamanghuran nga anak ni Dolphy sa una sini nga live-in partner kag anay actress nga si Gracita Dominguez.
Half brother niya si Dino Quizon, ang 45 anyos anak man ni dolphy nga nagtaliwan sa Amerika sang nakaligad nga semana bangud sa heart ailment.
Nag-umpisa ang acting career ni Rolly sadtong 1973 sa edad nga 14 sa sitcom nga “John en Marsha.”
Nakaangkon ini sang best actor award para sa iya performance sa kontrobersyal nga pelikula ni Vilma Santos nga “Burlesk Queen” nga official entry sa 1977 Metro Manila Film Festival.
