Roxas City, Capiz – Nagpabutyag subong sang pagkadismaya ang pamilya sang isa ka atleta nga CapizeƱo nga gold medalist sa walkathon event sa WVRAA 2019 matapos indi ini makapasakop sa Palarong Pambansa nga hiwaton sa Davao City sa maabot nga Abril 27 tubtob Mayos 4, 2019.
Base sa Facebook post sang utod ni Jemwell de Felipe, wala malakip ang pangalan sini sa listahan sang mga atleta sang Western Visayas para sa Palaro Pambansa sang ginpatigayon sang national committee ang ocular inspection sang damlag sa Kalibo, Aklan.
Suno kay Nicole de Felipe, masakit sa ila bahin ang nadangatan sang iya utod kun sa diin naghanas ini sang husto agud nga magmadinalag-on.
Kasubong suno diri nga nausik ang mga sakripisyo, pagtimakas kag oras nga ginhatag sa trainings.
Mahibaloan nga sang ginpatigayon ang WVRAA 2019 sang nakaligad nga Pebrero 17-23 sa Capiz, nagpangibabaw si de Felipe sa mga kasumpong sini sa walkathon 2, 000 meters event kag nakuha niya ang gold medal.
Sa subong nakig-angot na ang mga ini sa coach kag mga opisyal sang Capiz DepEd agud nga mahatagan sang aksyon ang amo nga bagay.
