Pamilya sang Ilongga OFW nga gina-alegar napatay sa Saudi Arabia bangud sang sandstorm, ginaproseso na ang dokumento agud madala pabalik sa pungsod ang bangkay sang ila himata

Nagpirma na sang Letter of Acceptance of Human Remains ang pamilya sang isa ka Ilonggo OFW nga gin-alegar napatay upod sa iya amo kag ama matapos naabtan sang sandstorm sa Saudi Arabia.

Suno kay Mr. John Fajardo, Assistance National Officer sang DFA 6, limitado ang ila mahatag nga impormasyon apang ginkonfirmar sang agency sang Ilongga OFW nga East Transglobal Manpower nga isa ini sa mga napatay.

Limitado naman ang impormasyon nga mahatag sang *Overseas Workers Welfare Administration* ukon OWWA region 6 natuhoy sa insidente bangud wala pa ang mga ini nakabaton sang incident report halin sa Saudi authorities.

Nahibaluan nga 15 pa lang ka adlaw ang Ilongga OFW sa Saudi Arabia.

(photo from web)