Gidonar sa pamilyang Balaba ang 10 ka sakong bugas ug mga tubig mainom alang sa mga biktima sa sunog sa Barangay Gusa ning syudad.
Matud ni Ma’am Hyacinth Ty ang higala sa pamilyang Balaba nga kini isip tabang aron mo-arang ang kahimtang sa 69 ka pamilya nga apektado sa sunog kagahapong adlawa.
Matud ni Kapt. Marlo Tabac, ang kapitan sa Barangay Gusa nga human sa maong sunog, gi active niini ang Barangay Disaster Risk Reduction and Management Department ug nag-establish og community kitchen alang sa lima ka adlaw.
Alang kaniya nga dako ang iyang pasalamat ngadto sa pamilyang Balaba tungod kay dako kini og ikatabang ilabina sa mga nasunogan.
Nasayran nga ugma sa gabie, adunay meeting nga himuon ang barangay aron ipasabot sa mga nasunogan nga kadtong adunay mga relocation particular ang nasakop sa salvage area, mamahimo nga magtukod sa ilang mga balay sa relocation apan adunay 12 ka mga pamilya ang walay relocation busa pangitaan kini sa pamaagi sa barangay nga mapahiluna ang mga apektadong pamilya.
Dugang pa nga gitinguha nga himuan usab og kalsada ang maong lugar aron nga dili na maglisod pagsulod ang mga sakyanan ilabina panahon sa katalagman.
