Davao City – Wala gipasagdan sa Mergrande Resort Management, ang pamilyang Momo sa ilang galastohanan gikan sa pagdala sa hospital hangtod na sa pagpahiluna sa patay’ng lawas ni Harvey Prince Momo, ang 13 anyos nga nalumos patay ug nga kauban ni John Alfred Amalias, samtang naligo sa dagat sa Mergrande Resort niadtong Domingo sa udto.
Sumala sa Inahan nga si Elizabeth Momo ilang gitubag lakip na ang ilang panginahanglanon nga mga pagkaon sa haya sa iyang anak.
Tungod niini, walay plano ang pamilyang Momo nga mokaso batok sa Mergrande Resort, sanglit usa ka disgrasya ang nahitabo ug nadawat na usab sa ilang pamilya ang gidangatan ni Harvey Prince.
Gilaraw karon sa pamilyang Momo nga dad-on ang patay’ng lawas ni Harvey Prince sa Bansalan, Davao Del Sur, aron didto nila ilubong.
RadyoMaN Joel Viray
Facebook Comments
